“AtaBank” zamin qadını həbs etdirib

atabank

Sabunçu rayon Məhkəməsinin qərarı ilə “AtaBank”dan kredit götürən şəxsə zamin duran qadın həbs edilib.

Bu barədə vəkil Əkrəm Həsənov məlumat verib.

O bildirib ki, hakim Süleyman Ağayev “AtaBank”dan götürülən kreditə zamin duran Lalə Bunyatovanı 10 gün müddətinə inzibati qaydada həbs edib.

Buna səbəb isə onun zamin durduğu şəxsin banka 8701 manat borcu qalmasıdır.

L.Bunyatova “Azərbaycan Dəmir Yolları” QSC-nin əməkdaşıdır.

Ə.Həsənov qeyd edib ki, lakin icra məmuru bunu müəyyən etməyib və əmək haqqına tutma yönəltmək əvəzinə xanımın həbsi barədə məhkəməyə təqdimat verib. Əsas həm də odur ki, xanım borc üzrə haqqında məhkəmə qərarının olmasını yalnız oktyabrın 4-də, həbsindən 13 gün əvvəl bilib. Buna qədər ona heç bir sənəd göndərilməyib.

Vəkil bildirib ki, qərardan apellyasiya şikayəti veriləcək.

Qeyd edək ki, bank kredit borcu olan şəxsin özünü tapa bilməyib.

Mövzu ilə bağlı “AtaBank”la əlaqə saxlasaq da, bu barədə açıqlama verməyəcəklərini bildiriblər.

Murad Əhməd

 

 

Share to Facebook
Share to Odnoklassniki

Şərh yaz

Diqqət!!!
Saytda olan bütün şərhlərə görə rəhbərlik heç bir məsuliyyət daşımır!
Devrinnebzi.com İnformasiya Portalı
Baş redaktor: İlham Hacalı
Bizimlə əlaqə: (055) 540-19-33
info@devrinnebzi.com

Copyright © 2013-2018 | Bütün hüquqlar qorunur! Tərtib etdi: Ə.Rzayev