BDYP-nin rəsi müavini ilə icra başçısı “atışıb” – Polkovnikin 300 hektar torpağı əlindən alınıb

177502

Son zamanlar Azərbaycanın bölgələrində fermerlərin örüş sahələrinin yerli icra hakimiyyəti orqanları tərəfindən pambıq əkilməsi üçün zorla əllərindən alınması halları artmaqdadır. Hökumətin pambıqçılığın inkişafı ilə bağlı tədbirləri nəticəsində bir sıra yüksək vəzifəli məmurların da qurbanları olur

Belə ki, ötən illər ərzində tutduqları vəzifədən istifadə edərək, min hektarlarla əraziləri zəbt edən bir sıra yüksək vəzifəlilər indi bu torpaqları geri qaytarmaq məcburiyyətindədir. Sadə fermerlerdən fərqli olaraq isə bu şəxslər etirazlarını ifadə edə bilmir.

Gununsesi.info-nun araşdırması zamanı bəlli olub ki, bu yaxınlarda 300 hektar torpaq sahəsi əlindən alınan şəxslərdən biri də Baş Dövlət Yol Polisi İdarəsi rəisinin müavini, polkovnik Balakişi Əhmədovdur. Saytımızı bilgiləndirən mənbənin sözlərinə görə, Balakişi Əhmədova məxsus Yevlax  rayonunun Ərəb Bəsərə kəndi ərazisində 300 hektar topraq sahəsi onun əlindən alınaraq, pambıqçılıq üçün istifadəyə verilib. DYP komandirinin mal-qoyun sürüsünün isə durumu olduqca ağırdır və onları saxlamaq üçün otlaq sahəsi tapılmır.
Məlumatda B.Əhmədovla yevlaxın icra başçısı Qoca Səmədov arasında ciddi konflikt yarandığı, tərəflərin telefonda bir-birinə qarşı ittiham irəli sürdüyü bildirilir.
Məsələ ilə bağlı münasibət öyrənmək üçün  Gununsesi.info-nun əməkdaşının Balakişi Əhmədova telefon zəngləri cavabsız qalıb.
Share to Facebook
Share to Odnoklassniki

Şərh yaz

Diqqət!!!
Saytda olan bütün şərhlərə görə rəhbərlik heç bir məsuliyyət daşımır!
Devrinnebzi.com İnformasiya Portalı
Baş redaktor: İlham Hacalı
Bizimlə əlaqə: (055) 540-19-33
info@devrinnebzi.com

Copyright © 2013-2018 | Bütün hüquqlar qorunur! Tərtib etdi: Ə.Rzayev