Telman İsmayılov barədə həbs qərarı verildi

754933310791431

Moskvanın Basman rayon məhkəməsi Çerkizov bazarının keçmiş azərbaycanlı sahibi Telman İsmayılovun həbsinə dair qərar çıxarıb.

Bu haqda İnterfaks Agentliyinə onun vəkili Marina Rusakova məlumat verib.

O, qeyd edib ki, İsmayılov 2 qətlin təşkilində təqsirləndirilir:

“Onun həbsi haqda qanunsuz qərar 30 oktyabrda qəbul edilib. Bu qərar haqda artıq Moskva şəhər məhkəməsinə şikayət verilib. 15 noyabrda apelyasiya məsələsinə baxılacaq”.

T.İsmayılov beynəlxalq axtarışa verilib. İttihama görə, onun hətta qanunsuz silah dövriyyəsində də əli var.

Vəkilin sözlərinə görə, İsmayılov özü sözügedən heç bir cinayətdə özünü təqsirli hesab etmir.

Rusakova bildirib ki, ilkin ehtimala görə, söhbət 2016-cı ilin mayında Novorijsk şossesində ticarət kompleksinin rəhbəri Vladimir Savkin və “Люблино моторс” şirkətinin təsisçisi Yuri Brilyovun qətlindən gedir.

Bu qətllə bağlı daha öncə Telman İsmayılovun qardaşı Rafiq, eyni zamanda digər şübhəli Mehman Kərimov da həbs ediliblər: “Kərimov istintaqla danışığa gedib və Telman İsmayılova şər atır”.

Vəkil əlavə edib ki, nə o, nə də İsmayılov məhkəməyə dəvət edilməyiblər, ittiham haqda xəbərləri belə olmayıb: “Telman heç vaxt gizlənməyib. Onu heç kim, heç yerə çağırmayıb. Hətta məhkəmədə belə vəkil təyinatla çıxış edib”.

Share to Facebook
Share to Odnoklassniki

Şərh yaz

Diqqət!!!
Saytda olan bütün şərhlərə görə rəhbərlik heç bir məsuliyyət daşımır!
Devrinnebzi.com İnformasiya Portalı
Baş redaktor: İlham Hacalı
Bizimlə əlaqə: (055) 540-19-33
info@devrinnebzi.com

Copyright © 2013-2017 | Bütün hüquqlar qorunur! Tərtib etdi: Ə.Rzayev