ilham

Prezident onları təltif etdi

Prezident İlham Əliyev Strateji Araşdırmalar Mərkəzinin əməkdaşlarının “Tərəqqi” medalı ilə təltif edilməsi haqqında ərəncam imzalayıb.

 Strateji Araşdırmalar Mərkəzinin yaradılmasının 10 illik yubileyi münasibətilə və ölkənin ictimai-siyasi həyatında səmərəli fəaliyyətlərinə görə Mərkəzin aşağıdakı əməkdaşları “Tərəqqi” medalı ilə təltif ediliblər:

Paşayeva Gülşən Məmmədəli qızı

Allahyarova Tahirə Bəkir qızı

Vəliyev Cavid İsmayıl oğlu

Məhəmmədi Məsiağa Əhməd oğlu

Sadıxov İsmayıl Ənvər oğlu.

 

ilham-eliyev-3

Prezident nümayəndəlik fəaliyyəti ilə bağlı dəyişiklikləri təsdiqləyib

Prezident İlham Əliyev “Vəkillər və vəkillik fəaliyyəti haqqında” qanuna, Mülki Prosessual və İnzibati Prosessual məcəllələrinə dəyişiklikləri təsdiqləyib.

 

  Dəyişikliklə məhkəmə proseslərində  nümayəndəlik institutu vəkillik institutu ilə əvəzlənib.

 

Dəyişikliklərə əsasən, fiziki şəxsin yalnız yaxın qohumuna məhkəmələrdə qanuni nümayəndə kimi iştiraka icazə veriləcək. Belə ki, Mülki Prosessual Məcəlləyə edilən dəyişikliyə əsasən “fiziki şəxsin nümayəndəsi onun yaxın qohumu və ya vəkil ola bilər”.   Kassasiya instansiyasında, yəni Ali Məhkəmədə işlərə baxılan zaman nümayəndənin iştirakına yol verilməyəcək.

 

Dəyişikliklər 2018-ci il, yanvarın 1-dən qüvvəyə minir.

polis

Türkiyədə anti-terror əməliyyatı – 109 nəfər saxlanılıb

Türkiyənin İstanbul, Adana, Trabzon və İzmir şəhərlərində anti-terror əməliyyatı keçirilib.

Türkiyə mətbuatı xəbər verir ki, ümumilikdə 109 nəfər saxlanılıb. Onlardan 93-ü xarici ölkə vətəndaşlarıdır.

İstanbulda 14 müxtəlif məkanda keçirilən əməliyyat nəticəsində 82 nəfər saxlanılıb.

Bundan əlavə Adanada 11, Trabzonda 9 və İzmirdə isə 7 nəfər saxlanılıb.

Saxlanılan şəxslər İŞİD-lə əlaqədə omaqda şübhəli bilinir.

 

 

15103046985007716464_1000x669

Prezident “Gəncə Mall” Ticarət Mərkəzində – Fotolar

Prezident İlham Əliyev “Gəncə Mall” Ticarət Mərkəzində yaradılan şəraitlə tanış olub.

Məlumata görə, dövlət başçısına ticarət mərkəzində yaradılan şəraitlə bağlı məlumat verilib.

Bildirilib ki, “Gəncə Mall”un inşasına 2014-cü ilin avqust ayında başlanılıb və 2017-ci ilin oktyabr ayında tikinti işləri başa çatdırılıb. Bu ticarət kompleksinin ümumi sahəsi 26 min 293 kvadratmetr, ticarət sahəsi isə 11 min kvadratmetrdir.

Qeyd edilib ki, burada aptek, kitab mağazası, müxtəlif restoranlar və “Cinema Plus” kinoteatrı da yerləşir. Ticarət mərkəzində 800 nəfərin yeni iş yeri ilə təmin edilməsi nəzərdə tutulub.

Daha ətraflı oxu »

Texniki qüsurlar aradan qaldırıldı

Hörmətli oxucularımız!

Uzun fasilədən sonra saytımızda yaranmış texniki qüsurlar aradan qaldırıldı. Bu işdə bizə köməklik göstərən xeyirxah insanlara dərin minnətdarlığımızı bildiririk.

Oxucularımızdan isə üzr istəyirik.

1509021853_untitled-1

Vasif Talıbovun oğlu kimə 30 minlik maşın bağışladı? (FOTO)

Aktyor İlkin Misgərliyə hədiyyə olunan avtomobilin fotosu yayılıb.
 
“Maşın” şouda iştirak etmiş aktyor yarışı tərk etdikdən sonra ona avtomobil hədiyyə olunub. Baku.ws-in məlutına görə, İlkinə “Kia Rio” markalı avtomobil bağışlanıb. 
 
Aktyora avtomobili Naxçıvan Muxtar Respublikası Ali Məclisinin sədri Vasif Talıbovun oğlu, Rza Talıbov hədiyyə edib. Avtomobilin dövlət nömrə nişanı “90 RG 522″dir.
 
Qeyd edək ki, “Kia Rio” markalı avtomobilin qiyməti 30 min manatdır. Daha ətraflı oxu »
666

Teatrda qarşıdurma böyüdü – Prezidentə müraciət olundu

C. Cabbarlı adına İrəvan Dövlət Azərbaycan Dram Teatrının işdən azad olunan aktyoru Əjdər Zeynalovla bağlı prezident İlham Əliyevə müraciət olunub.

Devrinnebzi.com APA-ya istinadən xəbər verir ki, mədəniyyət və incəsənət xadimləri, elmi müəssisələrin nümayəndələri və jurnalistlərdən ibarət 30 nəfərin imza atdığı müraciətdə qeyd olunub ki, İftixar Piriyevin teatra rəhbərlik etdiyi müddət ərazində xalq artistləri Elmira İsmayılova, Tamilla Abdullayeva, əməkdar artistlər Vidadi Əliyev, Dilarə Əliyeva, Tünzalə Əliyeva, rejissor Anar Sadıqov, aktyorlar Mehman Piriyev, Rəşad Səfərov, Midhət Aydın, Ramil Məmmədov, Rada Nəsibova, Samir Bayramlı, Emin Seyfullayev, Elçin Nəcəfov, Elşən Mehdizadə, Səadət Həsənalıyeva, Xəqani Əliyev, Emin Sevdiməliyev, Zəka Ziya, Tutu Əliyeva, Könül Əbilova, Samirə Hacıyeva, Mərahim Nəsibov, Ruhiyyə Yəhyayeva və başqaları teatrı tərk ediblər.

Müraciətdə o da bildirilib ki, İftixar Piriyevin teatrın yaradıcı kollektivi ilə sərt davranışı və münasibətləri şəxsi qərəzlik üstündə qurması nəticəsində teatrın aparıcı aktyoru Əjdər Zeynalov da uydurma və saxta ittihamla işdən azad edilib.

Məsələ ilə bağlı teatrın direktoru İftixar Piriyev bildirib ki, Əjdər Zeynalov əmək intizamını dəfələrlə kobud şəkildə pozub: “Rəhbərlik onu dəfələrlə intizama dəvət edib. Amma o, bunu qulaqardına vurub. Qəsdən, bilərəkdən intizamı pozub. Buna dair məlumatlar, aktlar hamısı qanuni şəkildədir. Hətta bu yay Əjdər Zeynalov kollektivin və teatrın nüfuzunu aşağı salmaq məqsədilə dəfələrlə Ənvər Börüsoy kimilərə qoşulub teatrı nüfuzdan salacaq addımlar atıb. Məsələn, heç bir əsası olmayan müsahibələr verib. Onun ölkə başçısına və Mədəniyyət və Turizm Nazirliyinə müraciəti olub. Nazirlik onun şikayətinə əsasən teatrda monitorinq keçirib. Monitorinqdə göstərdiyi arqumentlərin heç biri təsdiqini tapmayıb. Biz dəfələrlə çağırış etdik ki, Əjdər Zeynalov bu əməllərdən əl çəksin. Daha sonra kollektivin 30 nəfərdən ibarət qrupu Əjdər Zeynalova sosial şəbəkələr vasitəsi ilə müraciət etdi ki, teatrı nüfuzdan salacaq hərəkətlər etməsin. Amma o buna da məhəl qoymadı”.

İftixar Piriyev əlavə edib ki, Mədəniyyət və Turizm Nazirliyi bir müddət əvvəl ona töhmət elan edib: “Məhz Əjdər və Əjdər kimi əməkdaşların başqa yerdə işləmələrinə şərait yaradıldığına görə, davamiyyət kitabında onların imzaları olmadığına görə mənə töhmət verilmişdi. İftixar Piriyev kimi insanlar mədəniyyətdən uzaqlaşmalıdırlar. O uzaqlaşsa, bəlkə İrəvan Teatrı ağ gün gördü. Bizə üç dörd adamın qabağında şeir oxutdurur. Ayıbdır axı. Biz uşaq deyilik. Dərnəkdə, xalq teatrında uşaqlara şeir söylətdirərlər. Biz professional aktyorlarıq”.  Daha ətraflı oxu »

aqamiii

Qaçan məhbuslardan biri tutuldu

Qatardan qaçan dustaqlardan biri, Əli Ağami saxlanılıb.

Penitensiar Xidmətin Mətbuat Xidmətindən verilən məlumata görə, 1989-cu il təvəllüdlü Əli Ağami bu gün keçirilən əməliyyat-axtarış tədbirləri nəticəsində Şirvan şəhərində tutularaq istintaq təcridxanasına yerləşdirilib.

Qeyd edək ki, Ə. Ağami və E. Məmmədov oktyabrın 23-də Bakı-Astara-Bakı planlı dəmir yolu qarovulu ilə Bakı şəhərinə müşayiət zamanı xüsusi vaqondan qaçıblar. 

Ə.Ağami Cinayət Məcəlləsinin 120.2.2-ci (xuliqanlıq niyyəti ilə adam öldürmə) və 228-ci (qanunsuz olaraq odlu silah saxlama), E. Məmmədov isə Cinayət Məcəlləsinin 234.4.3-cü (külli miqdarda narkotik vasitələrin satışı) maddəsi  ilə ittiham olunaraq  həbs olunub. Onların cinayət işinə Lənkəran Ağır Cinayətlər Məhkəməsində baxılır. Ötən həftə dövlət ittihamçısı E. Məmmədovla Ə. Ağaminin hər birinin ayrı-ayrılıqda 19 il müddətə azadlıqdan məhrum edilməsini istəyib. 

Mühafizə altından qaçdıqlarına görə, Cinayət Məcəlləsinin 304.2.1-ci maddəsi ilə təqsirləndirilən şəxs qismində cəlb olunaraq barələrində həbs qətimkan tədbiri seçilməklə axtarış elan edilmişdi.

 

410180029-300x162

Dəbdəbəli qəbirüstü abidələrin qoyulmasına icazə verilməyəcək – YENİ QAYDA

Məzarlıqlar barədə Nazirlər Kabineti xüsusi qərar qəbul edəcək.

APA-nın məlumatına görə, Dini Qurumlarla İş üzrə Dövlət Komitəsinin sədri Mübariz Qurbanlı bildirib ki, Nazirlər Kabinetinin qərar layihəsi hazırdır: “Onun üzərində mütəxəssislər geniş iş aparıblar. Yeni qaydalar tətbiqi keçmiş qəbiristanlıqlara şamil edilməyəcək, yalnız bundan sonra salınacaq məzarlıqlara aid ediləcək.

Yeni qaydalara əsasən, məzarlıqlarda dəbdəbəli qəbirüstü abidələr və s. yaradılmasına icazə verilməyəcək”.

M. Qurbanlı vurğulayıb ki, bu qaydalar məzarlıqlarda bütövlükdə vəziyyətin nizamlaması məqsədi daşıyır.

zakir-nuriyev-300x197

İki bank birləşir

Bu ilin sonuna qədər Azərbaycanda ən azı iki bankın birləşməsi ilə bağlı qərar qəbul ediləcək.
“Report” xəbər verir ki, bunu jurnalistlərə açıqlamasında Azərbaycan Banklar Assosiasiyasının (ABA) sədri Zakir Nuriyev deyib.

Bununla belə, o, birləşəcək bankların adlarını açıqlamayıb. Z.Nuriyev sadəcə qeyd edib ki, hazırda ABA ilə həmin banklar arasında bu barədə danışıqlar gedir.

 

molotovk

DTX Xırdalanda da əməliyyat keçirib – “Molotov kokteyli”, qumbara…

Oktyabrın 25-də Dövlət Təhlükəsizlik Xidmətinin əməkdaşları tərəfindən müxtəlif dini etiqadlara mənsub üç silahlı şəxsin zərərsizləşdirilməsi ilə bağlı əməliyyat-axtarış tədbirləri keçirilmiş ünvanda – Abşeron rayonu, Xırdalan şəhərində yerləşən mənzilə Abşeron rayon prokurorluğunun və Baş Prokurorluğun Kriminalistika şöbəsinin prokuror-kriminalistlərinin iştirakı ilə baxış keçirilib.

Baş Prokurorluqdan verilən məlumata görə, baxış zamanı mənzildən 5 ədəd patronla birlikdə 1 ədəd “Makarov” markalı tapança, 2 ədəd partlayışa hazır vəziyyətdə olan əl qumbaraları, 7 ədəd hazır vəziyyətdə şüşə butulkalarda kustar üsulla hazırlanmış “Molotov kokteyli”, həmin partlayıcı-yandırıcı predmetlərin alışması üçün nəzərdə tutulmuş xeyli sayda alışdırıcılar,  “Molotov kokteyli”nin hazırlanması üçün nəzərdə tutulmuş 4 ədəd alışdırıcı maye ilə dolu 5 litrlik plastik qablar aşkar edilələrək müvafiq qaydada qablaşdırılıb və maddi sübut kimi götürülüb.

Faktla bağlı hazırda Abşeron rayon prokurorluğunda araşdırmalar davam etdirilir.

sa

Lotu Qulinin İstanbulda – İlk fotosu

Azadlığa çıxmış “qanuni oğru” Nadir Səlifov (Lotu Quli) İstanbuldadır.

Virtualaz.org xəbər verir ki, kriminal avtoritet ailəsinin və yaxın dostlarının əhatəsindədir.

Nadir Səlifovun azadlığa çıxdıqdan sonrakı ilk fotoşəkli əldə edilib. Şəkildə kriminal avtoritet qardaşı, “qanuni oğru” Namiq Səlifovla yanaşı durub.

Xatırladaq ki, Lotu Quli həbsxanada 20 ildən çox vaxt keçirib. O, 90-cı illərin əvvəllərində bir sıra səs-küylü cinayətlərin törədilməsində ittiham olunaraq həbs edilmişdi. Məhbəsdə olduğu vaxtda N.Səlifov uzun illər Gürcüstana ekstradisiyasına nail olmağa çalışıb.

Oktyabrın 24-də Qaradağ Rayon Məhkəməsi vəkilin N.Səlifovun vaxtından əvvəl azadlığa buraxılması ilə bağlı vəsatətini təmin edib. Qeyd edək ki, azadlığa çıxdığı gün N.Səlifov Gürcüstana getmişdi.

 

Daha ətraflı oxu »

bitcoin

“Bitkoin almaq istəyənlər ehtiyatlı olsun” – İqtisadçıdan açıqlama

İqtisadçı ekspert Vüqar Bayramov son zamanlar ölkədə müzakirə edilən bitkoin alıb almamaq məsələsinə aydınlıq gətirib.

“Qafqazinfo” xəbər verir ki, iqtisadçı bununla bağlı bildirib ki, hazırda bitkoinlərin qiyməti 6 min dolları keçib: “Bitkoinlərin qiyməti 4 min dollara çatanda qiymət artımlarının olacağını proqnozlaşdırmışdıq. Qısa zamanda bitkonlərin qiyməti 50 faiz artdı. Bitkoin virtual ödəmə vasitəsidir. Kriptovalyuta olaraq bitkoin ilk virtual puldur ki, mərkəzləşdirilmədən dövriyyəyə buraxılıb. Bu da həmin valyutanım uğur qazanması səbəblərindən biridir. Bu pulu əldə etmək istəyənlər bitkoinin internet səhifəsinə daxil olub özləri üçün pulqabı yarada bilərlər. Həmin pulqabı vasitəsilə bitkoin sifariş etmək münkündür. Eyni zamanda, qeydiyyatdan keçdikdən sonra yaşadığınız şəhərdə kimlərin bitkoinlərini satışa çıxartdığını da izləyə bilərsiniz.

Bitkoinlərdən kredit kartı kimi istifadə etmək, virtual ödənişlər etmək, bilet almaq, internet üzərindən hər hansısa sifariş həyata keçirmək mümkündür. Bitkoin əslində ən sadə ödəmə vasitəsidir. Həmçinin bitkoinlərin yığım funksiyası da var. Burada yığılan vəsaiti qiymət artımları baş veridyi halda sonradan daha baha yüksək dəyər ilə nağdlaşdırmaq mümkündür. Göründüyü kimi, bitkoin ilk baxışdan cəlbedicidir. Bura bəzi online ticarət şirkətləri ilə alış-veriş zamanı tətbiq etdikləri endirimləri də əlavə etsək o zaman mənzərə daha aydın olar”. Daha ətraflı oxu »

intiharrr

Boşandı, sonra intihar etdi…

Bakıda dəhşətli intihar hadisəsi baş verib. 

Lent.az xəbər verir ki, Suraxanı rayonu, Yeni Günəşli qəsəbəsində yaşayan 1980-cı il təvəllüdlü Hacıyev Tural Müzəffər oğlu özünü doqquzmərtəbəli binanın damından ataraq həyatına son qoyub.
 
Bildirilir ki, T.Hacıyev hadisə baş verən binanın 2-ci mərtəbəsində yaşayıb və 9-cu mərtəbəyə qalxandan sonra nərdivanla binanın damına çıxıb və çox keçmədən özünü atıb.
 
Bir müddət əvvəl həyat yoldaşından ayrılan 37 yaşlı Turalın işsiz olduğu, ata-anası ilə birgə yaşadığı məlum olub. Valideynləri hadisədən o, özünü binadan atandan sonra xəbər tutublar.
 
Faktla bağlı cinayət işi başlanıb, araşdırma aparılır.

2015-11-06-12-13-50silah

Gəncədəki atışma ilə bağlı açıqlama – Polisi hədələyərək qaçıb…

Gəncədə kriminal aləmə yaxın şəxslərin atışması ilə bağlı rəsmi açıqlama verilib.

Devrinnebzi.com DİN-ə istinadən xəbər verir ki, oktyabrın 25-də saat 22 radələrində Gəncə şəhərindəki çay evlərindən birində şəhər sakinləri, əvvəllər məhkum olunmuş Qurban Qurbanov və Tural Əliyevlə həmyerliləri, əvvəllər məhkum olunmuşlar Edqar Nəsirov və Namiq Kərimov arasında mübahisə baş verib. Bu zaman E.Nəsirov tapançadan Q.Qurbanova atəş açmaq istədiyindən sonuncu ona bıçaqla xəsarət yetirib, habelə N.Kərimov tüfəngdən bir dəfə atəş açıb, xəsarət alan olmayıb.

Sonradan N.Kərimov xəsarət alan E.Nəsirovu xəstəxanaya aparmaq məqsədilə çay evindən çıxaraq oradan keçən Kəpəz RPİ-nin xidmətdən kənar vaxtı mülki geyimdə olan əməkdaşı Allahverdi Məmmədovun idarə etdiyi “VAZ-2106” markalı avtomobili saxlayıb, onları xəstəxanaya aparmalarını tələb edib. Polis əməkdaşı yolda xəsarət alanı xəstəxanaya, onu isə Polis İdarəsinə aparacağını bildirib. Bu zaman N.Kərimov tüfənglə onu hədələyib və nəqliyyat vasitəsindən düşərək qaçıb.

Xəstəxanaya yerləşdirilən E.Nəsirovun vəziyyəti ağırdır.

Gəncə Şəhər Baş Polis İdarəsinin və şəhər Prokurorluğunun əməkdaşları tərəfindən hadisə yerinə baxış zamanı 1 ədəd “Makarov” markalı tapança, 1 ədəd patron darağı və 7 ədəd patron aşkar edilərək götürülüb.

Həyata keçirilən əməliyyat-axtarış tədbirləri nəticəsində Q.Qurbanov “Sınıq körpü” sərhəd-keçid məntəqəsində tutulub. Faktla əlaqədar Cinayət Məcəlləsinin müvafiq maddələri ilə cinayət işi başlanılıb, təxirəsalınmaz istintaq-əməliyyat tədbirləri həyata keçirilir.

Без названия

Uşaq bağçaları ilə bağlı yenilik

Azərbaycanda məktəbəqədər təhsil müəssisələri şəbəkəsinin optimallaşdırılması nəzərdə tutulur.

Trend xəbər verir ki, bu, 2018-ci ilin dövlət büdcəsi zərfinin layihəsində öz əksini tapıb.

Məktəbəqədər təhsil müəssisələrinin maddi-texniki bazasının möhkəmləndirilməsi, əsaslı təmir və avadanlıqla təminat işinin davam etdirilməsi büdcə zərfində nəzərdə tutulan prioritet kimi qeyd edilib.

Layihəyə əsasən, ölkə üzrə azyaşlı uşaqların məktəbəqədər təhsilə cəlbolunma səviyyəsinin orta Avropa göstəricisi səviyyəsinə çatdırılması planlaşdırılır. Bununla yanaşı, dövlət uşaq bağçaları şəbəkəsinin genişləndirilməsi, müxtəlif mülkiyyət formasına (bələdiyyə, icma, özəl və ailə bağçaları) aid olan məktəbəqədər təhsil müəssisələrinin yaradılması və fəaliyyətinin dəstəklənməsi də prioritet istiqamət kimi nəzərdə tutulur.

 

 

1491979750-1037

Onlar həkimlik adından məhrum ediləcək – Azərbaycanda

“Azərbaycanda selektiv abort edən ginekoloqlar həkimlik adından məhrum ediləcək”.

Bunu Movqe.az-a açıqlamasında Milli Məclisin Səhiyyə komitəsinin sədr müavini Musa Quliyev söyləyib. M. Quliyev bildirib ki, bu məsələ “Reproduktiv sağlamlığın qorunması haqqında” qanun layihəsində öz əksini tapıb.

Deputatın sözlərinə görə, son illər selektiv abortların sayı əvvəlki illərlə müqayisədə azalsa da, hələdə dölün cinsinə görə abort hallarına rast gəlinir. M.Quliyev deyir ki, dölün ana bətnində cinsinə görə məhv edilməsi, doğulan qız uşaqları ilə oğlanlar arasında balansın pozulmasına gətirib çıxardır. Deputat selektiv abortların qarşısının alınmasının yalnız inzibati, hüquqi qaydada qadağalarla aradan qaldırılmasının mümkünsüz olduğunu bildirib: “Burada mədəniyyətin yüksəlməsi, maarifləndirmənin artması,təbliğatın aparılması çox vacibdir. Cəmiyyətdə bu istiqamətdə ciddi marifləndirmə işləri aparılmalıdır. Çünki, həkimi də selektiv aborta məcbur edən valideynlərdir. Valideynlər arasında maarifləndirmə işi genişləndirilməlidir ki, gəlib həkimləri bu işə sövq etməsinlər. Digər bir yol isə selektiv abort edən həkimlərin cəzalandırılması məsələsidir. Düşünürük ki, selektiv abort edən ginekoloqların həkimlik adından , həkimlik peşəsindən məhrum edilməsi onlar üçün ən böyük cəzadır. Ona görə də, selektiv aborta yol verən ginekoloqların həkimlik adından məhrum edilməsi məsələsini “Reproduktiv sağlamlığın qorunması haqqında” qanun layihəsinə salmışıq. İnanmırıq ki, hansısa  həkim illərlə çəkdiyi zəhməti riskə atıb bu cür qanunsuz əmələ cəhd edə. Yəqin ki, ilin sonunadək bu qanun layihəsi Milli Məclisdə müzakirəyə çıxarılacaq”.

Deputat onu da əlavə edib ki, qanun layihəsində selektiv abortlarla bağlı qadağalar  xarici ekspertlərin də təəccübünə səbəb olub: “Avropa ölkələrində ümumiyyətlə doğulacaq uşağın oğlan və ya qız olacağını düşünmürlər. Ona görə də, bizdə dölün cinsinə görə ana bətnində məhv edilməsi onlarda təəccüb doğurur”.

 

 

2016-10-26-15-08-54lenkeranski_lotu quli

Lənkəranskinin adamları həbs olundu – “Lotu Quli”nin “sağ əli”ni öldürüblər

Rusiyanın Sankt-Peterburq şəhərində ötən il İstanbulda qətlə yetirilmiş kriminal avtoritet Rövşən Lənkəranskinin adamları tutulub.
Emin Əhmədov, Hüseyn İsgəndərov və Mehman Əmiraslanovun ötən gün azadlığa buraxılan Lotu Qulinin “sağ əli” sayılan Elşən Məmmədovun qətlinə görə həbs edildikləri bildirilir.
Qeyd edək ki, Elşən Məmmədovun Lotu Qulinin ən amansız “cəllad”larından olduğu deyilir. O, sentyabrda Gürcüstanın paytaxtı Tiflisdə Nadir Səlifovun bir neçə yaxın adamı ilə yemək yeyərkən gözlənilmədən yerindən qalxaraq maşınına tərəf gedib və həmin an atəş səsləri eşidilib. “Toyota Land Cruiser”də cəsədi tapılan 42 yaşlı Elşənin başından 3 güllə yarası aldığı məlum olub.
Onu da xatırladaq ki, “Lotu Quli” həbsdən çıxdıqdan sonra Elşən Məmmədovun məzarını ziyarət edib(Yenicag.az).
1 (2)

Qaçan məhbuslar konvoylara rüşvət verib? – İddia

Lənkərandan Bakıya gedən həbsxana qatarından iki məhbusun cürətkar qaçışı geniş ictimai rezonans doğurub. Bu vaxta qədər həmin qatarla bir neçə dəfə Bakıdan Lənkərana etap edilmiş kriminal avtoritetlər Əli Ağami və “Qoca” ləqəbi ilə tanınan Etibar Məmmədov “səyahətləri” zamanı həbsxana qatarının şəraiti ilə yaxından tanış olublar və qaçış planı hazırlayıblar.
Virtualaz. org məhbusların qaçışının təfərrüatlarını öyrənə bilib.

Məhbuslar Penitensiar Xidmətdə mövcud olan korrupsiya sayəsində qaça biliblər.

Məhbusların qatardan qaça bilməsinin səbəbi konvoy əməkdaşlarına rüşvətin verilməsi olub. İş burasındadır ki, məhbusların etap edildiyi qatarda pəncərəsi olan cəmi iki kupe var.

Bu kupelərdən biri iki konvoy əməkdaşı, digəri isə qatarı müşayiət edən şəxs üçündür.

İmkanlı məhbuslar tez-tez konvoy əməkdaşlarına rüşvət verərək, pəncərəli kupedə “səyahət” edirlər. Adətən, rüşvətin məbləği 20-40 manat təşkil edir.

Kriminal avtoritetlər konvoy əməkdaşlarına pul verərək pəncərəli kupeyə keçiblər. Adəti üzrə, kupenin qapıları bağlanmır, lakin məhbuslar inad ediblər ki, qapılar bağlansın, guya səs-küydən yata bilmirlər.

Bağlı qapı arxasında qaldıqdan sonra məhbuslar barmaqlıqları sındırıblar və səhər saat 6-da vaqondan qaçıblar. Məhbusların yoxa çıxması isə yalnız saat 11-də qatar Bakıya çatarkən məlum olub.

1442504117-7126-1

Kiyevdə partlayış nəticəsində yaralanan deputat əməliyyat olunub

Kiyevdə baş verən partlayışda yaralanan Ali Radanın deputatı, “Radikal” partiyasının üzvü İqor Mosiyçuk əməliyyat olunub.

 

Bu barədə İ.Mosiyçukun mətbuat katibi bildirib.

 

“Əməliyyat uğurla başa çatıb. Həkimlər İ.Mosiyçukun vəziyyətini orta-ağır kimi qiymətləndirirlər. Hazırda o reanimasiyadadır. İ.Mosiyçuk əməliyyatdan sonra özünə gəlib, danışa bilir”, məlumatda deyilir.

 

Qeyd edək ki, İqor Mosiyçuk “Espresso” telekanalının binasından çıxdığı zaman  yolun kənarında motosiklet partlayıb. Hadisə nəticəsində deputatın mühafizəçisi ölüb, İ.Mosiyçuk daxil olmaqla 5 nəfər xəsarət alıb. Partlayış hüquq-mühafizə orqanları tərəfindən terror aktı  kimi qiymətləndirilib. Faktla bağlı cinayət işi açılıb, araşdırma aparılır.

456fa9807548f53486410ee9c4d971d9-2

Ağstafada fərdi evdə yanğın olub

Ağstafada yanğın hadisəsi qeydə alınıb.

Ağstafa rayonunun Sadıqlı kəndində birmərtəbəli üç otaqlı evin dam örtüyünün taxta atmaları 5 m2 sahədə yanıb.

 

Evin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.

dtx-xtq-10

Bakıda Milli Şuranın mitinqində terror planlaşdıran şəxslər məhv edilib

Bakıda terror aktlarının qarşısı alınıb.

 

Dövlət Təhlükəsizliyi Xidmətinin (DTX) İctimai əlaqələr şöbəsindən verilən məlumata görə, Azərbaycan Respublikasının hüdudlarından kənarda fəaliyyət göstərən dini ekstremist terror təşkilatının tabeçiliyini qəbul etmiş bir qrup şəxs Bakı şəhəri, Qaradağ rayonunun Lökbatan qəsəbəsində “Abdullah” ləqəbli Azərbaycan Respublikasının vətəndaşı Ələkbərov Bəxtiyar Məmmədsadıq oğlunun yaşadığı evdə toplaşaraq sonuncunu qeyd olunan cinayətkar birliyin tərkibində özlərindən ibarət dəstənin “əmir”i seçiblər.

 

Müəyyən edilib ki, həmin şəxslər ardıcıl terror aktları törətmək məqsədi ilə əldə etdikləri maddə və ləvazimatlarla kustar üsulla partlayıcı-yandırıcı predmetlər hazırlayıb, 2017-ci il oktyabrın 22-də Bakı şəhəri, Qaradağ rayonunun Lökbatan qəsəbəsi ərazisində seçdikləri məkanda sınaqdan keçiriblər. Həmin şəxslərin əməliyyat-texniki yolla ətraflı qeydə alınmış görüşlərində onlar ölkədə sabitliyi və təhlükəsizliyi pozmaq, ictimai-siyasi qarışıqlıq yaratmaq məqsədilə 2017-ci il oktyabrın 28-də Bakı şəhərində keçiriləcək mitinqdə terror aktı törətmək barədə razılığa gəliblər. Daha ətraflı oxu »

qoroskop_045 (3)

Günün qoroskopu: başqalarının işlərinə qarışmalı olacaqsınız

Qoç -  Sizin ləyaqətli hərəkətləriniz diqqətdən kənarda qalmayacaq. Həmkarlarınızın, rəhbərliyin hörmətini qazanacaq, nüfuzunuzu möhkəmlədəcəksiniz. Peşəkarlığınıza kimsənin şübhəsi yoxdur. Nüfuzlu və təcrübəli adamlar sizə məsləhət üçün müraciət edəcəklər. Sizi xoş sürprizlər gözləyir. Aşiq Qoçlar, xüsusilə ilk dəfə görüşə gedənlər xeyli sevinəcəklər.

Buğa - İşgüzar ünsiyyətdə problemlər mümkündür. Sizin hətta ən uğurlu ideyalarınız da qeyri-adilikləri üzündən soyuq qarşılana bilər. Lakin bir qədər sonra hamı başa düşəcək ki, sizin fikrinizə qulaq asmağa dəyərmiş. Bilmədən xətrinə dəydiyiniz adam sizə uğur əldə etməkdə mane olmağa çalışacaq.
Bədxahınızın fitnələrinin üstünün açılması vaxt alacaq. Halbuki, siz həmin vaxtdan daha səmərəli istifadə edə bilərdiniz. Qohumlarla yola getmək asan deyil. Onlar çox böyük həvəslə çatışmazlıqlarınızı üzünüzə vurur, tərif və təqdir ifadələrində isə xəsislik edirlər. Daha ətraflı oxu »

1508958445_untitled-1

Bakıda qatardan qaçan məhbuslar tapıldı: Xırdalanda atışma gedir (SON DƏQİQƏ)

23 oktyabr 2017-ci il tarixdə Bakı-Astara-Bakı planlı dəmir yolu qarovulu ilə xüsusi təyinatlı vaqonda Bakı şəhərinə etap olunan xüsusilə ağır cinayətlərlə təqsirləndirilməklə həbs edilmiş Etibar Ələkbər oğlu Məmmədov və Əli Rasim oğlu Ağami Biləcəri qəsəbəsi ərazisində müşayiət altından qaçdıqlarını xəbər vermişdik.
Yenicag.az-ın əldə etdiyi son dəqiqə özəl məlumatına görə, həmin şəxslərin hüquq-mühafizə orqanları tərəfindən yeri  müəyyənləşdirilib. Bizdə olan məlumata görə, hazırda Xırdalan ərazisində cinayətkarlarla hüquq-mühafizə orqanlarının əməkdaşları arasında atışma gedir. Ölən və yaralıların olduğu bildirilir…
dtx_201216_01-300x268

DTX-dan NÖVBƏTİ ƏMƏLİYYAT – Bakıda terror aktları planlaşdıran şəxslər məhv ediliblər

Bakının Qaradağ rayonunda terror aktları planlaşdıran şəxslər zərərsizləşdiriliblər.

Bu barədə “Report”a Dövlət Təhlükəsizliyi Xidmətinin İctimai əlaaqələr şöbəsində məlumat verilib.
Qabaqcadan əlbir olan bir qrup şəxsin partlayıcı maddələr əldə edib dini ekstremizm zəminində Azərbaycan Respublikası ərazisində terror aktları planlaşdırdıqları barədə Dövlət Təhlükəsizliyi Xidmətinə daxil olmuş məlumat aparılan araşdırmalarla təsdiqlənmiş, qeydə alınan fəaliyyətləri təxirəsalınmaz tədbirlərin görülməsini zəruri etmişdir.

Müəyyən edilmişdir ki, Azərbaycan Respublikasının hüdudlarından kənarda fəaliyyət göstərən dini ekstremist terror təşkilatının tabeçiliyini qəbul etmiş bir qrup şəxs Bakı şəhəri, Qaradağ rayonunun Lökbatan qəsəbəsində “Abdullah” ləqəbli Azərbaycan Respublikasının vətəndaşı Ələkbərov Bəxtiyar Məmmədsadıq oğlunun yaşadığı evdə toplaşaraq sonuncunu qeyd olunan cinayətkar birliyin tərkibində özlərindən ibarət dəstənin “əmir”i seçmişlər.

Həmin şəxslər ardıcıl terror aktları törətmək məqsədi ilə əldə etdikləri maddə və ləvazimatlarla kustar üsulla partlayıcı-yandırıcı predmetlər hazırlamış, 2017-ci il oktyabr 22-də Bakı şəhəri, Qaradağ rayonunun Lökbatan qəsəbəsi ərazisində seçdikləri məkanda sınaqdan keçirmişlər. Əməliyyat-texniki yolla ətraflı qeydə alınmış həmin şəxslərin görüşlərində onlar ölkədə sabitliyi və təhlükəsizliyi pozmaq, ictimai-siyasi qarışıqlıq yaratmaq məqsədilə 2017-ci il oktyabrın 28-də Bakı şəhərində keçiriləcək mitinqdə terror aktı törətmək barədə razılığa gəlmişlər. Daha ətraflı oxu »

sexavet

SOCAR-ın avtobusu jurnalisti vurub öldürdü – Foto

Şirvan şəhərində piyadanın ölümü ilə nəticələnən yol qəzası baş verib.

Devrinnebzi.com-un APA-ya istinadən xəbərinə görə, Şirvan şəhəri Heydəri Əliyev prospektində, SOCAR-a məxsus, 90 JS 409 dövlət nömrə nişanlı avtobus yolu keçən Qazax rayon sakini, 1956-cı il təvəllüdlü Məmmədli Səxavət Musa oğlunu vurub.

Xəstəxanaya çatdırılan S. Məmmədli orada dünyasını dəyişib.

S. Məmmədlinin tanınmış jurnalist olduğu, Şirvanda bölgə müxbiri kimi fəaliyyət göstərdiyi bildirilir

 

 

 

lotu-quli

“Lotu Quli” Gürcüstandan çıxarıldı – Özünə başqa ölkədə sığınacaq tapdı

Ötən gün 21 illik həbs həyatından sonra azadlığa buraxılan “Lotu Quli” ləqəbli qanuni oğru Nadir Səlifov doğulduğu Gürcüstanı tərk edib.

Lent.az-ın “Lotu Quli”yə yaxın mənbələrdən əldə etdiyi məlumata görə, Gürcüstan hökuməti Azərbaycanda azadlığa buraxıldıqdan sonra bu ölkəyə, doğma kəndinə gedən kriminal aləm nümayəndəsinə ölkəni dərhal tərk etməsi barədə qeyri-rəsmi xəbərdarlıq edib.

Bildirilir ki, oğru dünyasının nümayəndələrinə qarşı sərt qanunları ilə seçilən Gürcüstan Nadir Səlifovun ölkədə bir gündən artıq qalmasına imkan verməyib.

“Vor zakon”un yeni adresi də artıq bəllidir. Məlumata görə, o, artıq Gürcüstanı tərk edərək Türkiyəyə keçib. “Lotu Quli”nin bir müddət İstanbulda yaşayacağı və öz işlərini buradan görəcəyi iddia edilir.
Qeyd edək ki, “Lotu Quli“ ilə düşmən olan azərbaycanlı mərhum qanuni oğru Rövşən Lənkəranski də sui-qəsdlə öldürülənə qədər uzun müddət İstanbulda yaşayıb, işlərinə buradan nəzarət edirdi.

 

mehkeme-chekic

Külli miqdarda dələduzluqda təqsirləndirilən qadınlara hökm oxunub

Bu gün Bakı Ağır Cinayətlər Məhkəməsində dələduzluqda təqsirləndirilən Şərəfnisə Məmmədova və Elnarə Fətullayevanın cinayət işi üzrə məhkəmə prosesi başa çatıb.

 

Hakim Novruz Məmmədovun sədrliyi ilə keçirilən prosesdə hökm oxunub.

 

Hökmə əsasən, E. Fətullayeva 11 il, Ş. Məmmədova isə 8 il 6 ay müddətinə azadlıqdan məhrum edilib.

 

İttihama görə, təqsirləndirilən şəxslər “Sədərək Ticarət Mərkəzi”ndə sahibkarlıqla məşğul olan Ərəstun Mehdizadədən 100 min manatlıq məhsul alaraq pulunu ödəməyiblər. Onlar eyni üsulla “Okean” mağazasının sahibini də aldadıblar. Növbəti dəfə isə Nizami rayonunda yerləşən “Kainat” mebel salonundan övladlarına toy etmək adı ilə mebel alıblar, pulunu isə toydan sonra ödəyəcəklərini deyiblər.

setka-el

Keçmiş “OMON”-çu Elçin Əmiraslanov iflic olub

Vəkil Elçin Sadıqov Penitensiar Xidmətin Qobustanda yerləşən həbsxanasında saxlanılan ömürlük məhkumlar, keçmiş “OMON”-çular – Elçin Əmiraslanov, Səfa Poladov və Arif Kazımovla görüşüb.

 

Elçin Sadıqov bildirib ki, Elçin Əmiraslanovun sol tərəfi iflic olub, sol qolunu hərəkət etdirə bilmir, son vaxtlar epilepsiya qıcolmaları artıb. Vəkil deyib ki, həbsxanada saxlanıldığı dövrdə hepatit C virusuna yoluxan məhkuma lazımi tibbi xidmət göstərilmir, Penitensiar Xidmətin Müalicə Müəssisəsinə köçürülmür.

Onun sözlərinə görə, Səfa Poladov və Arif Kazımovun da səhhətləri pisdir, həbsdə olduqları müddətdə dəfələrlə əməliyyat olunublar, hazırda ağır dərəcəli şəkərdən əziyyət çəkirlər.

 

Qeyd edək ki, hər üç şəxs 1996-cı ildə məhkəmənin hökmü ilə ölüm cəzasına məhkum edilib. Sonradan onların cəzaları ömürlük azadlıqdan məhrumetmə ilə əvəz olunub.

 

Onlar Qaradağ rayon Məhkəməsinə etdikləri müraciətdə cəzalarının 20 illik həbslə əvəz edilməsi və azadlığa buraxılmalarını istəyiblər. Lakin məhkəmə müraciəti təmin etməyib

rs-182529-76182128

Əfsanəvi amerikalı musiqiçi vəfat edib

Əfsanəvi amerikalı rok-n-roll ifaçısı Fets Domino 89 yaşında ABŞ-da vəfat edib.

 

Bu barədə musiqiçinin qızı məlumat verib.

 

F.Domino Yeni Orleandakı evində dünyasını dəyişib. Onun ölümünün səbəbi açıqlanmır.

 

Rok-n-roll janrının banilərindən biri hesab edilən Fets Domino 1987-ci ildə Grammy mükafatına layıq görülüb.

Diqqət!!!
Saytda olan bütün şərhlərə görə rəhbərlik heç bir məsuliyyət daşımır!
Devrinnebzi.com İnformasiya Portalı
Baş redaktor: İlham Hacalı
Bizimlə əlaqə: (055) 540-19-33
info@devrinnebzi.com

Copyright © 2013-2017 | Bütün hüquqlar qorunur! Tərtib etdi: Ə.Rzayev